เพลงกล่อมเด็ก

รูปภาพของ pitchaya

 

 

ตัวอย่างเพลงกล่อมเด็กประจำภาคอีสาน

 

 

 บทที่  ๑๓ 

เอ่อเห่อเอ้อกะเห่อเอ่อเห่อเออ    นอนสาหล่าหลับตาแม่สิกล่อม
แม่สิกล่อมนอนอู่แก้วหลับแล้วแม่สิไกว     แม่ไปไฮกะกี่ไก่มาหาแม่ไปนากะกี่ปลามาป้อน
แม่เลี้ยงหม้อนอยู่ป่าสวนมอน                นอนตะแคงอยู่กกไม้เพิง                                                                             ฟ้าเลียงเอินข่วมโทงวอยวอย                นกเสียงบินกะอยู่เทิงปลายแต้                                                                      ตั้งแท้แท้กะควายข่อยอีหลี                  สาวพรหรมมาเอาควายเจ้า
เจ้าบ่เอากะสิสนเคาไว้ท่า                    ลูกสาวหล่าไว้ท่าไปนา                                                                              ลูกสาวกกไว้ท่าส่งเข่า                        ท้าวยอดเบ้าไว้ท่าป่าเฮียน
เอ่อเห่อเอ้อกะเห่อเอ่อเห่อเออ

บทที่  ๑๔

          นอนสาหล่าหลับตาแม่สิกล่อม  นอนอู่แก้วหลับแล้วอย่าสุติง  ติ่ง ลิง ติง ลิ่ง ติงลิงตีง  ลิงตกส่างหางโพ้นจิ้งปิ้ง  ใส่เสื้ออิ้งนอนลี้อยู่ผู้เดียว  แม่นี่เป็นแม่ม่ายผัวตายบ่ได้มาย   เผิ่นผู้เป็นแม่ฮ้างยังมายผัว  อื้อหืออืออื้ออือหืออือ

บทที่  ๑๕

          นอนเด้อหล่าหลับตาจ้วยจ้วย  เพินมาขายกล้วยแม่สิซื่อให้กิน  มาขายดินแม่สิซื่อให้อยู่มาขายอู่แม่สิซื้อให้นอน  มาขายหมอนแม่สิซื่อให้เล่น  นอนเด้อหล่าหลับตาอย่าเพิ่งตื่น  ติ่ง  ลิง  ติ่ง  ลิง  ติง  ลิง  ตีง

บทที่  ๑๖

          โอนสาลู่อีหนูตกต่ำ  ค่ำมาแล้วพาน้องเมียนอน  เพิ่นสิปั้มไม้ใหญ่ขั่นทางเพิ่นสิปั้มไม้ยางขั่นห่วย  เพิ่นสิปั้มเคียกล้วยย่อนลง  แม่ไปไฮหมกไข่ไก่มาหา   แม่ไปนาหมกไข่ปลามาป้อน  แม่เลี้ยงม่อนอยู่ป่าสวนมอน  นอนสาหล่าหลับตาแม่สิกล่อม   นอนอู่แก้วหลับแล้วแม่สิกวย  เอ…เอ้

บทที่  ๑๗

          นอนซะหล่าหลับตาแม่สิไกว  แม่ไปห่วยสิฟ่าวอวยมาหา  แม่ไปนาเอาปิ้งปลามาป้อน  แม่ไปซ่อนปลาซิวมาหมก  แม่มาแล้วลูกแก้วแอ่วกินนม  นอนซะหล่าหลับตาแม่สิกล่อม  เจ้าบ่นอนบ่ให้กินกล้วย  แม่ไปห้วยหากล้วยมาต้อน  นอนซะก่อนลุกขึ้นจั่งค่อยกิน
ติง…ลิงติ่ง…ลิงติง…ลิงตีง…เออ…หะเอ่อ…หะเออ…หะเออ

บทที่  ๑๘

เอย  เอ๋ย  เอย  เอ๋ย  เอย  เอ๋ย  เจ้าบ่นอนแมวโพงกัดแก้ม  เจ้าบ่แย้มไก่น้อยตอดตา   แม่ไปไฮหมกไขาไก่มาหา
แม่ไปนาหมกไข่ปลามาป้อน   แม่เลี้ยงม่อนเข้าป่าสวนมอน  เดิกออนซอนหมั่นลุกหมั่นตื่น   ลูกฮ้องไห่งมใต้กระบอง
มือแม่โจมเอาลูกใส่อู่    อุ้มลูกน้อยมาให้กินนม  เสียงทมทมขี่เยี่ยวใส่แม่   เลี้ยงลุกน้อยมันยากมันซา
พออยากลาลูกผัวไปบวช   สร้างผนวชในศาสนา  เจ้าใหญ่แล้วอย่าลืมคุณพ่อแม่   แม่นแม่หญิงให้เจ้าไปใหว้
แม่นผู้ชายให้เจ้าไปบวช   ใช้ยิ่งยวดในศิลในธรรม  ให้จำนำบุญคุณพ่อแม่    พอได้แก่ดึงขึ้นสวรรค์   เอย  เอ๋ย  เอย  เอ๋ย  เอย  เอ๋ย

บทที่  ๑๙   

 เอ้อ เอ้อ เอย เอ้อ เออ เอ้อ เออ เอ๋ย  นอนสาหล่าหลับตาแม่สิกล่อม  นอนอ้อมล้อมในผ้าแพรวา  ยามไปไฮสิปิ้งไก่มาหา           ยามไปนาสิปิ้งปลามาป้อน  แม่เยงม่อนได้นอนอู่สายไหม  หลับซะแม่เด้อ  หลับตาซะแม่เด้อ  นอนอู่แก้วนอนแล้วแม่สิไกว           แมวโพงเป้าตาลายๆ  สิกินไก่  ฝั่นเชือกใหญ่มาคล้องคอแมว    เอ้อ เอ้อ เอย เอ้อ เออ เอ้อ เออ เอ๋ย 

บทที่  ๒๐

  อิแม่เอ๋ย  เอาสาดมาปูคันยูมากั้ง  น้ำตั้งตั้งขันหมากมาเฮง  น้ำพอเพียงขังควายอีด่อน  อีด่อนเค้งกินหญ้าหนองโน                     ลงไปเอาสนเคาไว้ท่า  ลงไปอาบน้ำป่าวัวแซวแซว  นกแซวฮ่องหาผัววอนวอน  ตาเวนออนพอค้างข้าวแลง  ตาเว้นแดงพอคางข้างเหล่า  แสงผีเป้าหรือเสียงผีโพง  คอนโบมมาใส่ก็เข้าใส่ติดต่อข้าวนิน  ก้อมมักหอยเขาถ้อยมักหิน  ตบปิ่งปิ่งอีวิ่งตกใจ  อีใบวายมาเกิด  เกิดต้นตาลมาหานตีนพร้าว  ต้นไม้เง้าสุกผูกคาเครือ  เอยฮะ เออฮะเออฮะเอย

                                                                      

สร้างโดย: 
นางพิชยา เสนมนตรี

มหาวิทยาลัยศรีปทุม ผู้ใหญ่ใจดี
 

 ช่วยด้วยครับ
นักเรียนที่สร้างบล็อก กรุณาอย่า
คัดลอกข้อมูลจากเว็บอื่นทั้งหมด
ควรนำมาจากหลายๆ เว็บ แล้ววิเคราะห์ สังเคราะห์ และเขียนขึ้นใหม่
หากคัดลอกทั้งหมด จะถูกดำเนินคดี
ตามกฎหมายจากเจ้าของลิขสิทธิ์
มีโทษทั้งจำคุกและปรับในอัตราสูง

ช่วยกันนะครับ 
ไทยกู๊ดวิวจะได้อยู่นานๆ 
ไม่ถูกปิดเสียก่อน

ขอขอบคุณในความร่วมมือครับ

อ่านรายละเอียด

ด่วน...... ขณะนี้
พระราชบัญญัติลิขสิทธิ์ (ฉบับที่ 2) พ.ศ. 2558 
มีผลบังคับใช้แล้ว 
ขอให้นักเรียนและคุณครูที่ใช้งาน
เว็บ thaigoodview ในการส่งการบ้าน
ระมัดระวังการละเมิดลิขสิทธิ์ด้วย
อ่านรายละเอียดที่นี่ครับ

 

สมาชิกที่ออนไลน์

ขณะนี้มี สมาชิก 0 คน และ ผู้เยี่ยมชม 17 คน กำลังออนไลน์