เพลงกล่อมเด็ก

รูปภาพของ pitchaya

                              ตัวอย่างเพลงกล่อมเด็กประจำภาคอีสาน

บทที่  ๒๑

  เอยฮะเออฮะเออฮะเอย  นอนสาหล่าหลับตาแม่สิกล่อม  นอนตื่นแล้วเจ้าจังแอ่วกินนอม  แม่ไปไฮสิหมกไข่มาหา             แม่ไปนาสิหมกปลามาป้อน  แม่เลี้ยงม่อนได้นอนอู่สายไหม  แม่ไปทางใดเจ้าอย่าฮ้องอย่าแอ่ว    ยามกินนมแล้วอย่าสิแอ่วกวนเด้อ
เอยฮะเออฮะเออฮะเอย  ลุกหล่าเอยเจ้าอย่าไห่เสียงดัง  บ้านเพิ่นได้ฟังว่าเจ้าแอ่วกินนม  แมาสะแม่สมความฮักให้เจ้า  ไห้ฟังแม่เว้าแม่กล่อมเป็นเพลง  เต้ง เล็ง เต้ง เล็ง เตง เล็ง เตง  ฮักลูกตนเองบ่อฮักลูกผู้อื่น เด้อ คำ เด้อ  คำ เด้อ คำเด้อ  เอยฮะเออฮะเออฮะเอย

บทที่  ๒๒

           เอย ฮะ เออ ฮะ เออ ฮะ เอย  แม่ไปไฮหมกไขมาหา  แม่ไปนาหมกปลามาป้อน  แม่เลี้ยงม่อนนอนอู่สายไหม                กวยกันไปมาเด้อโตนเตนโตนเต้น  หมากม่วงกะเสนเอาไปเพลเจ้าสัวบ่อยาก  เอาไปฝากเณรน้อยลักกิน  แมงหัวมันลักกินท่อนหนึ่ง  แม่เจ้าจึงให้เจ้ากินนม  โต้นติเตนกะโต้นติเตน  เอย ฮะ เอย ฮะ เอย ฮะ เอย

บทที่  ๒๓

        เออ เอ้อ  นอนสาหล่าหลับตาแมาสิกล่อม  คดอ้อมป้อมในผ่าอย่าติง   แม่ไปไฮกะขี่ควายเขาลาน  แม่ไปนากะขี่ควายเขาตู้   เขาหนึ่งตู้กะเขาหนึ่งเหยียดซอย  เอ่อ เอ้อ   นอนสาหล่าหลับตาแม่สิกล่อม  นอนอยู่ผ่าสามวาแม่ต่ำ  นอนอู่ไม้สามป้องอีพ่อสาน      แม่ไปไฮหมกไข่มาหา  แม่ไปนาหมกปลามาป้อน  แม่เลี้ยงม่อนนอนอู่สายไหม  เออ ฮะ เอย ฮะ เอย ฮะ เอย  ตายเป็นตุ่นสิมากัด   เครือภู  ตายเป็นหนูสิมากัดเครือหูก  ตายเป็นลูกน้อยน้อยสิมาจองกินนม  เออ ฮะ เอย ฮะ เอย ฮะ เอย

บทที่  ๒๔

       อมพุทธนะโมเป็นเข่า  ยาวไปหน้ายังถ่วงกว่าหลัง  อะนิจจังลูกหลานเต็มบ้าน  อย่าขี่คร้านเข่าวัดฟังธรรม  ให้จำศีลแม่ออก     เพิ่นสอนบอกอย่าเกิดโมโห  โตสอนโตฟังเอาพอได้บาปอยู่ไกล้  บุญนั้นอยู่ไกล  สุดวิสัยอย่าทำไปหน้า  ฝูงมัจฉาหมายชมน้ำใหม่  รากนกไวมันฮ้องค่ำค่ำ  รากนกชั่วมันฮ้องบอกชื่อ  ให้จื่อไว้นำเฮียนโบราณ  ฟังคำหลานจื่อเอาเด้อเจ้า  นกเป็นเถ่าคุณพระบิดา       คุณบิดานกหาปลาขาด  อย่าประมาทคุณแก้วทั้งสาม  เฒ่าอารามอย่าทัดดอกไม้  บุญพ่อได้ขนบาปใส่ตัว  ถุงถุดโตมันขันเป็นเพื่อ     ไผ่บ่เชื่อคำนี่บ่ดี  อารักซีคนสาโหด พระบ่โผดมันได้จักองค์  พระเมตตรัยลงมาขายหน้า

บทที่  ๒๕

       โอ่นสาเปล  อีเลสาเป้า  น้ำถ่วมเข่าเฮ็ดไฮ่หนองบอน  ควายซนขอนแม่หมอนตกน้ำ  ม่หมอนเอ๋ยสงพระสงเจ้า  ตำเข่าเหล่าใส่บ้านเฮือนเหนือ  เก็บมะเขือใส่ฮ่านเอื้อนน้อย  แม่หญ่ซอยตำหูกแซๆ  แม่ใหญ่แตต่ำแพรให้ลูก  ลูกเล้าเล่นตองแตะต่องต่อย
ไฟไหม่หมอยอีตากับแก้  กับแก้ฮ่องโอโล่ะ  โอ่โล  ไทยบ้ายโพธิ์ขายเป็ดขายไก่
  ไทยบ้านใหม่ขายดอกกระเจียว  ไทยภูเขียวขายหมอนขายสาด

บทที่  ๒๖

  นอนซาหล่าหลับตาแม่สิกล่อม
แมไปไฮขี่ควายเขาลา
แมไปนาขี่ควายเขาตู้
ขานึ่งคู้ขานึ่งเหยียดซอย
ควายอีดำไปก่อนควายอีด่อนนำหลัง
นอนซะแมเด้อหลับตาซ่าแมเด้อ
หนาววอยๆ  กะขี่ควายเข่าบ้าน

บทที่  ๒๗

        แมไปไฮกะขี่ควายเขาลา   แมไปนากะขี่ควายเขาตู่  ตู้เบี่ยงนึ่งกะเขานั่งเหยียดซอย    ตู้ซอยลอยกะเขาวอยใบม่วง
หน่ามันซวงไม่จิกไม่ฮัง  หน่ามันพังกะเอาไปสีนวด  หน่ามันสวดกะเอาไปคาดไฮไถนา    ไถเถียงนากะไถเทิงตากล้า

สร้างโดย: 
นางพิชยา เสนมนตรี

มหาวิทยาลัยศรีปทุม ผู้ใหญ่ใจดี
 

 ช่วยด้วยครับ
นักเรียนที่สร้างบล็อก กรุณาอย่า
คัดลอกข้อมูลจากเว็บอื่นทั้งหมด
ควรนำมาจากหลายๆ เว็บ แล้ววิเคราะห์ สังเคราะห์ และเขียนขึ้นใหม่
หากคัดลอกทั้งหมด จะถูกดำเนินคดี
ตามกฎหมายจากเจ้าของลิขสิทธิ์
มีโทษทั้งจำคุกและปรับในอัตราสูง

ช่วยกันนะครับ 
ไทยกู๊ดวิวจะได้อยู่นานๆ 
ไม่ถูกปิดเสียก่อน

ขอขอบคุณในความร่วมมือครับ

อ่านรายละเอียด

ด่วน...... ขณะนี้
พระราชบัญญัติลิขสิทธิ์ (ฉบับที่ 2) พ.ศ. 2558 
มีผลบังคับใช้แล้ว 
ขอให้นักเรียนและคุณครูที่ใช้งาน
เว็บ thaigoodview ในการส่งการบ้าน
ระมัดระวังการละเมิดลิขสิทธิ์ด้วย
อ่านรายละเอียดที่นี่ครับ

 

สมาชิกที่ออนไลน์

ขณะนี้มี สมาชิก 0 คน และ ผู้เยี่ยมชม 13 คน กำลังออนไลน์